﻿Zabur 19
I KOGOZOO DI KINOURUGAN OM I PINONUHUAN DO KINORINGAN

(Pemimpin)
It avan monuturan di kohormatan do Kinoringan

(Jemaat)
Om i korimbutuon mangahabal di ginntnn di palad do Kinoringan

(Pemimpin)
It adau keso mangahabal sid adau koduvo di habal dino

(Jemaat)
Om i sodop keso pazazad sid sodop koduvo di ginama do Kinoringan.

(Pemimpin)
Isot ulun om iso bansa nga aso-no dot a-nokorongou di hal dino.

(Jemaat)
Om i boros dioti dino, nga tumongkop sid sompomogunan.

(Pemimpin)
I Kinoringan minangagama do valai do pezanan Dau dit adau sitid vinangun.

(Jemaat)
Supaya it adau dino manganavau di banalko atarang.

(Pemimpin)
Aso-no dot a-nenavahan i navazaan Dau.

(Jemaat)
I Pinonuhuan do Kinoringan nensanan do manarang om patatap di ginavo.

(Pemimpin)
I kososizan do Kinoringan banalko atantu om pelo dit ongoulun dit obungou.

(Jemaat)
I hoturan di Tuhan abanal om potomon di ginavo.

(Pemimpin)
I pinonuhuan di Tuhan oliou om posinang di mato.

(Jemaat)
I boros di Tuhan osusi sampai penlaid.

(Pemimpin)
It undang-undang di Tuhan atantu sampai otulid.

(Jemaat)
Kihorogo mantadko i nanas dot amas i pinonuhuan dino.

(Pemimpin)
Sampai omis mantadko sorot.

(Jemaat)
Minsanko ioku nga pinopongohondom banal diti sokoviai

(Pemimpin)
Om it ulun di mihot banal sino, nga osuulan dot banalko agazo

(Jemaat)
Tu isai-ka o kopurimon dit dau do kinopolidan?

(Pemimpin)
Sabap ino, kada-oku-no hukumai dit amu-ku nopurimanan i nagama-ku.

(Jemaat)
Rindingo-oku-no sid ongouhin dit aso bahazan,

(Pemimpin)
Supaya amu oku apalid dioti,

(Jemaat)
Om aso-ogi borotuduon sid dohon.

(Pemimpin)
Sampai aso-no kopolidan-ku.

(Jemaat)
Gam ozi-ko dit ongoboros-ku

(Pemimpin)
Om i purimon di ginavo-ku, o Tuhan

(Semua)
O Tuhan, i sondihon-ku om i minananggung dohon.

